​ធនាគារ​ឯកទេស​ “​ដូនពេញ​” ​ត្រូវ​បាន​ដាក់ឈ្មោះ​ ​តាម​បុព្វការី​ខ្មែរ​មួយ​រូប​គឺ​ “​ដូនពេញ​” ​ដែល​ជា​អ្នកបង្កើត​ “​ភ្នំដូនពេញ​” ​ក្នុង​ឆ្នាំ​១​៣​៧​២​ ​ហើយ​ក្រោយមក​បាន​ក​ម្លា​យ​ឈ្មោះ​ទៅជា​ “ ​ភ្នំពេញ​ ” ​រាជធានី​នៃ​ព្រះរាជាណាចក្រកម្ពុជា​ ​សព្វថ្ងៃនេះ​។​ ​លើស​ពី​នេះ​ ​ខណ្ឌ​ដូនពេញ​ ​គឺជា​បណ្តុំ​នៃ​មជ្ឈមណ្ឌល​រដ្ឋបាល​ ​សេដ្ឋកិច្ច​ ​បច្ចេកវិទ្យា​ព័ត៌មាន​ ​និង​ពាណិជ្ជកម្ម​ធំ​ៗ​ ​គ្រប់​ប្រភេទ​រួម​មាន​៖​ ​ក្រសួងសេដ្ឋកិច្ច​ ​និង​ហិរញ្ញវត្ថុ​ ​ក្រសួង​ប្រៃសណីយ៍​ ​និង​ទូរគមនាគមន៍​ ​ក្រុមប្រឹក្សាអភិវឌ្ឍន៍​កម្ពុជា​ ​ធនាគារជាតិនៃកម្ពុជា​ ​សាលាក្រុង​រាជធានី​ភ្នំពេញ​ ​ផ្សារ​ធំ​ថ្មី​ ​និង​អគារ​មជ្ឈមណ្ឌល​ពាណិជ្ជកម្ម​ធំ​ៗ​ ​ខ្ពស់​ៗ​ ​ជាច្រើន​ទៀត​។​ ​ខណ្ឌ​ដូនពេញ​ក៏​ជា​បណ្តុំ​មជ្ឈមណ្ឌល​វប្បធម៌​ជាតិ​សំខាន់​ៗ​រួម​មាន​៖​ ​ព្រះបរមរាជវាំង​ ​សារមន្ទីរ​ជាតិ​ ​វិមានឯករាជ្យ​ ​បូជនីយដ្ឋាន​វត្តភ្នំ​ជាដើម​ ​។​ ​ល​។​

​ប្រណីតភាព​នៃ​ម៉ាក​សញ្ញា​ ​របស់​ ​ធនាគារ​ឯកទេស​ “​ដូនពេញ​” ​ត្រូវ​បាន​ផ្សំ​ឡើង​ដោយ​ធាតុ​សំខាន់​ៗ ​បួន​យ៉ាង​បញ្ចូល​គ្នា​​៖​

១​. ​រាងបួនជ្រុង ​តំណាង​ឲ្យ​ទន្លេ​ចតុ​មុខ​ ​ដែល​ជា​អច្ឆរិយភាព​នៃ​ទីតាំង​ភូមិ​សា​ស្រ្ត​រាជធានី​ភ្នំពេញ​ ​ហើយ​រាងបួនជ្រុង​នេះ​ ​ក៏​ជា​តំណាង​ទិស​ទាំងបួន​ ​ដែល​ធនាគារ​មាន​ចក្ខុវិស័យ​ក្នុង​ការ​ផ្សព្វផ្សាយ​កេរ្តិ៍ឈ្មោះ​របស់​ខ្លួន​ទៅកាន់​អតិថិជន​ឲ្យ​រំពៃ​គិតដល់​មុនគេ​ ​នៅពេលដែល​ពួកគាត់​ត្រូវការ​សេវា​ហិរញ្ញវត្ថុ​។​

២​. ​រូប​នាគរាជ​៖​ ​តំណាង​ឲ្យ​ស្ពាន​នាគ​ ​ដែល​ឆ្លង​ទៅកាន់​វត្តភ្នំ​។​ ​ស្ពាន​នេះ​តំណាង​ឲ្យការ​ផ្តល់​មធ្យោបាយ​តភ្ជាប់​សកម្មភាព​សេដ្ឋកិច្ច​ ​ពាណិជ្ជកម្ម​ ​និង​ហិរញ្ញវត្ថុ​នានា​ ​ជូន​ដល់​សាធារណៈ​ជន​ ​នាសម័យនោះ​ ​ប្រៀប​ទៅ​នឹង​ការ​ផ្តល់​មធ្យោបាយ​ហិរញ្ញវត្ថុ​របស់​ធនាគារ​ជូន​ដល់​អតិថិជន​ ​នា​ពេល​បច្ចុប្បន្ននេះ​។​ ​ក្នុង​ន័យ​ម៉្យាងទៀត​ ​រូប​នាគរាជ​ ​ក៏​តំណាង​ឲ្យ​ ​ឧត្តមភាព​ ​អានុភាព​ ​នៃ​ការ​គ្រប់គ្រង​ ​ថែរក្សា​ការពារ​ឧត្តម​ប្រយោជន៍​របស់​អតិថិជន​ ​កម្មករ​និយោជិត​ ​ភាគ​ទុនិ​ក​ ​ដៃគូ​អាជីវកម្ម​ ​និង​សហ​គម​ន៍​។​

៣​. ​អក្សរ​ ” ​D​ ​P​ “​ ​ជា​អក្សរកាត់​របស់​ពាក្យ​ “​ដូនពេញ​” ​ជា​ភាសា​អង់គ្លេស​ (“​D​a​un ​P​e​n​h​”) ​។​

​៤​. ​ពណ៌​របស់​ទង់​ជាតិខ្មែរ​៖​ ​ត្រូវ​បាន​ប្រើប្រាស់​ជា​លំនាំ​ ​ដើម្បី​រចនា​ម៉ាក​សញ្ញា​ ​របស់​ធនាគារ​។​ ​ក្នុង​ន័យ​នេះ​ ​ពណ៌ក្រហម​ ​តំណាង​ឲ្យ​ថាមពល​ ​អានុភាព​ ​និង​លាភ​សំណាង​ ​ចំណែក​ឯ​ពណ៌​ស​ ​តំណាង​ឲ្យ​តម្លា​ភាព​ ​និង​ភាព​សាមញ្ញ​ ​ខណៈ​ដែល​ ​ពណ៌ខៀវ​តំណាង​ឲ្យ​ ​សុចរិត​ភាព​ ​ភក្តីភាព​ ​ជំនាញ​វិជ្ជាជីវៈ​ ​និង​ជំនឿ​ទុកចិត្ត​ ​។