ក្រុមប្រឹក្សាភិបាល

លោកឧកញ៉ា អ៊ឹង ប៊ុនហ៊ូវ បានចូលរួមក្នុងក្រុមប្រឹក្សាភិបាលនៃធនាគារឯកទេស ដូនពេញ ម.ក នៅខែវិច្ឆិកា ឆ្នាំ២០២០ ។

លោកឧកញ៉ា ជាពាណិជ្ជករឆ្នើម ដែលមានកេរ្តិ៍ឈ្មោះបោះសម្លេង និងគួរឱ្យគោរពមួយរូប នៅក្នុងប្រទេសកម្ពុជា។ លោកឧកញ៉ា បានចាប់ផ្តើមជំនួញ ដោយសហការជាមួយដៃគូ ជាជនជាតិសឹង្ហបូរី នាដើមឆ្នាំ១៩៩២ និងបានបង្កើតសហគ្រាសពាណិជ្ជកម្មដំបូងបំផុត នៅក្នុងឆ្នាំ១៩៩៣ ក្រោមនាមករណ៍ថា អេហ្សិត ឌីស្ទ្រ៊ីប្យ៊ូហ្សិន ជាមួយចក្ខុវិស័យ ក្នុងការធ្វើឲ្យមានភាពចំរុះនៃមុខជំនួញពី A ដល់ Z លោកឧកញ៉ា បានបង្កើតក្រុមហ៊ុនអាជីវកម្មជាច្រើនប្រភេទ ព្រមទាំងបានវិនិយោគក្នុងវិស័យផ្សេងៗជាច្រើន ដែលរួមមានទាំងវិស័យអចលនទ្រព្យជាដើម។ លោកឧកញ៉ា គឺជាប្រធានអគ្គនាយក នៃក្រុមហ៊ុន ដូនពេញ (ខេមបូឌា) គ្រុប ជាសម្ព័ន្ធក្រុមហ៊ុនក្នុងស្រុក ដែលវិនិយោគលើច្រើនវិស័យ នៅក្នុងប្រទេសកម្ពុជា។ លើសពីនេះ លោកឧកញ៉ា ក៏ជាវិនិយោគិននៅតាមបណ្តាប្រទេសមួយចំនួនដូចជា ភូមា ឥណ្ឌា សឹង្ហបូរី ចក្រភពអង់គ្លេស កាណាដា និងសហរដ្ឋអាមេរិកថែមទៀតផង។

លោកឧកញ៉ា អ៊ឹង ប៊ុនហ៊ូវ បានទទួលសញ្ញាបត្រ ថ្នាក់បរិញ្ញាបត្រ លើមុខជំនាញនីតិឯកជន ពីសាកលវិទ្យាល័យពហុបច្ចេកវិទ្យាកម្ពុជា ក្នុងឆ្នាំ២០០៥ និងសញ្ញាបត្រថ្នាក់អនុបណ្ឌិត លើមុខជំនាញរដ្ឋបាលសាធារណៈក្នុងឆ្នាំ២០០៧។ លោកឧកញ៉ា បានចូលរួមវគ្គហ្វឹកហ្វឺនជាច្រើនលើការគ្រប់គ្រងពាណិជ្ជកម្ម នីតិវិនិយោគ ទីផ្សារភាគហ៊ុន និងជំនាញជាច្រើនទៀតចាប់តាំងពីឆ្នាំ២០០១ រហូតមកដល់ឆ្នាំ២០១០។ នៅក្នុងឆ្នាំ២០១១ លោកឧកញ៉ា បានចូលរួមវគ្គសិក្សាអប់រំសម្រាប់អ្នកដឹកនាំប្រតិបត្តិជាន់ខ្ពស់ នៅឯ Harvard Kennedy School លើប្រធានបទស្តីពីហេដ្ឋារចនាសម្ព័ន្ធនៅក្នុងសេដ្ឋកិច្ចទីផ្សារ។ លោកឧកញ៉ា គឺជាបេក្ខភាពបណ្ឌិតរដ្ឋបាលសាធារណៈ នៃរាជបណ្ឌិត្យសភាកម្ពុជា ក្នុងឆ្នាំ២០១៣។

ជាមួយនឹងចំណង់ចំណូលចិត្តចំពោះការអភិវឌ្ឍជាតិ លោកឧកញ៉ា បានចំណាយអស់ពីសមត្ថភាពទាំងកម្លាំងកាយចិត្ត បញ្ញាស្មារតី និងធនធានរបស់ខ្លួន រយៈពេល១០ឆ្នាំ ដើម្បីចូលរួមបម្រើជាតិមាតុភូមិ ដោយចាប់តាំងពីឆ្នាំ២០០៣ រហូតដល់ឆ្នាំ២០០៨ លោកឧកញ៉ា បម្រើការជាសមាជិកសភាតំណាងរាស្ត្រ របស់រដ្ឋសភានៃព្រះរាជាណាចក្រកម្ពុជា បន្ទាប់មកលោកឧកញ៉ា ត្រូវបានតែងតាំងជារដ្ឋលេខាធិការ នៃក្រសួងសាធារណការ និងដឹកជញ្ជូន ចាប់តាំងពីឆ្នាំ២០០៨ ដល់ឆ្នាំ២០១៣។

លោកឧកញ៉ា អ៊ឹង ប៊ុនហ៊ូវ ក៏ជាពាណិជ្ជករ មានកេរ្តិ៍ឈ្មោះល្បីល្បាញមួយរូប ដែលខ្នះខ្នែងក្នុងកិច្ចការដើម្បីសង្គម ដោយចែករំលែកនូវចំណូលដែលរកបាន ជូនទៅដល់សង្គមវិញ តាមរយៈសកម្មភាពផ្សេងៗ នៅក្នុងវិស័យនានា រួមទាំងវិស័យសាសនា ទាំងការចូលរួមដោយផ្ទាល់ និងតាមរយៈទីភ្នាក់ងារមនុស្សធម៌ជាតិ និងអន្តរជាតិ។ លោកឧកញ៉ា បានបរិច្ចាគថវិកាជាច្រើនលានដុល្លារ ដើម្បីបំពេញសេចក្តីខ្វះខាតរបស់ ប្រជាពលរដ្ឋដែលមានចំណូលទាប សាលារៀន វត្តអារាម ព្រះវិហារសាសនា គម្រោងអភិវឌ្ឍន៍ និងការការពារបរិស្ថាន កម្មវិធីធនធានទឹកស្អាត និងគម្រោងស្តារគ្រោះមហន្តរាយ ជាដើម។

លោក បានចាប់ផ្តើមការងារជាមួយ ធនាគារឯកទេស ដូនពេញ ម.ក ក្នុងមុខតំណែងជាប្រធាននាយកប្រតិបត្តិ ចាប់តាំងពីខែមករា ឆ្នាំ២០១៩ និងចូលរួមក្នុងក្រុមប្រឹក្សាភិបាលនៃធនាគារឯកទេស ដូនពេញ ម.ក ចាប់តាំងពីខែមករា ឆ្នាំ២០២២ រហូតមកដល់បច្ចុប្បន្ននេះ។

លោក​​​ មាន​បទពិសោធន៍​ការងារ​នៅ​ក្នុង​ធនាគារ​ពាណិជ្ជ​ ​និង​គ្រឹះស្ថាន​មីក្រូ​ហិរញ្ញវត្ថុ​ ​ដែល​ទទួល​ប្រាក់​បញ្ញើ​ ​ជាង​២​០​ឆ្នាំ​មក​ហើយ​ ​ដោយមាន​តួនាទី​ទទួលខុសត្រូវ​ចម្បង​ៗ​ក្នុង​មុខតំណែង​ជា​ថ្នាក់​ដឹកនាំ​ជាន់ខ្ពស់​បំផុត​ជាច្រើន​ ​លើ​កិច្ចការ​៖​ ​គណនេយ្យ​ ​ហិរញ្ញវត្ថុ​ ​រតនា​ភិ​បាល​ ​បច្ចេកវិទ្យា​ព័ត៌មាន​ ​ធនធានមនុស្ស​ ​រដ្ឋបាល​ ​ឥណ​​ទាន​ ​ប្រាក់​បញ្ញើ​សន្សំ​ ​និង​កិច្ចការ​លក់​។​ ​ជា​បន្ថែម​​លោក ​ទទួលបន្ទុក​ជា​លេខាធិការ​របស់​ក្រុមប្រឹក្សា​ភិ​បាល​ ​និង​ភាគ​ទុនិ​ក​ ​ជាច្រើន​ឆ្នាំ​។​ ​មុននឹង​ចាកចេញ​មក​ដឹកនាំ​ធនាគារ​ឯកទេស​ ​ដូនពេញ​ ​ម​.​ក​ ​លោក ​​​មាន​មុខតំណែង​ជា​អគ្គនាយក​បណ្តាញ​ចែកចាយ​លក់​ ​ក្នុង​គ្រឹះស្ថាន​មីក្រូ​ហិរញ្ញវត្ថុ​ទទួល​ប្រាក់​បញ្ញើ​ដែល​កំពុង​នាំមុខ​មួយ​នៅ​ក្នុង​ប្រទេស​កម្ពុជា​។​ ​លោក ​គឺជា​សមាជិក​ក្រុមប្រឹក្សា​ភិ​បាល​ឯករាជ្យ​របស់​ក្រុមហ៊ុន​ ​ធានា​រ៉ាប់រង​ ​ភីភល & ផាតនើរ អ៊ិនសួរេន ភីអិលស៊ី ​ចាប់តាំង​ពី​ខែកញ្ញា​ ​ឆ្នាំ​២​០​១​៨​ ​រហូតមកដល់​បច្ចុប្បន្ននេះ​។

លោក​ បាន​បញ្ចប់​ថ្នាក់​បរិញ្ញា​ប័ត្រ​ ​ជំនាញ​គណនេយ្យ​ ​ក្នុង​ឆ្នាំ​១​៩​៩​៩​ ​និង​បាន​បញ្ចប់​ថ្នាក់​អនុ​បណ្ឌិត​គ្រប់គ្រង​ពាណិជ្ជកម្ម​ ​លើ​ជំនាញ​ហិរញ្ញវត្ថុ​(​កម្មវិធី​អន្តរជាតិ​ប្រើប្រាស់​ភាសា​អង់គ្លេស​)​ពី​សាកលវិទ្យាល័យ​ ​បញ្ញា​សា​ស្រ្ត​កម្ពុជា​នៅ​ក្នុង​ឆ្នាំ​២​០​០​៧​។​ ​លោក​ បាន​ចូលរួម​វគ្គ​បណ្តុះបណ្តាល​ ​និង​សិក្ខាសាលា​ថ្នាក់​ជាតិ​ ​និង​អន្តរជាតិ​លើ​ប្រធាន​បទ​ពាក់ព័ន្ធ​ជាច្រើន​។

លោកបានចូលរួមក្នុងក្រុមប្រឹក្សាភិបាលនៃធនាគារឯកទេស ដូនពេញ ម.ក នៅខែវិច្ឆិកាឆ្នាំ ២០២០ ។

បច្ចុប្បន្នលោកគឺជានាយកប្រតិបត្តិហិរញ្ញវត្ថុ ប្រចាំក្រុមហ៊ុន ដូនពេញ (ខេមបូឌា) គ្រុប។ លោកមានចំណេះដឹងយ៉ាងច្បាស់លាស់ និងស៊ីជម្រៅអំពីវិស័យធនាគារ។

លោកមានបទពិសោធន៍ការងារ រយៈពេលជាង១៣ឆ្នាំ ដោយលោកបានបំពេញការងារជាមួយក្រុមហ៊ុន ស្ថាប័នអាជីវកម្មធំៗ រួមមាន ធនាគារ កាណាឌីយ៉ា (Canadia Bank Plc.) ក្រុមហ៊ុនអចលនទ្រព្យ មេហ្គា អាសិត មេនេចមេន (Mega Asset Management-OCIC), ក្រុមហ៊ុន អាយអិនជី ហូលឌីង (ING Holdings) និងក្រុមហ៊ុនសែលកាត (CamGSM Co. Ltd.)។

លោកបានទទួល សញ្ញាបត្រកិត្តិយស ថ្នាក់អនុបណ្ឌិត ជំនាញផែនការធនធានសហគ្រាស ពីសាកលវិទ្យាល័យអន្តរជាតិ ម៉ាហារីហ្សី (MIU) សហរដ្ឋអាមេរិក នៅឆ្នាំ២០២០ និងបរិញ្ញាបត្រពាណិជ្ជកម្ម ពីសាកលវិទ្យាល័យបច្ចេកវិទ្យាស៊ីដនី (UTS) ប្រទេសអូស្ត្រាលី ក្នុងឆ្នាំ ២០០៨ ។
លោកគឺជាសមាជិក ក្រុមគណនេយ្យករអាជីព ជំនាញគ្រប់គ្រង នៃវិទ្យាស្ថានឆាតធ័រ សម្រាប់គណនេយ្យករជំនាញគ្រប់គ្រង (CIMA) នៃចក្រភពអង់គ្លេស និងជាសមាជិកនៃវិទ្យាស្ថានឆាតធ័រ សម្រាប់ការវិនិយោគ និងមូលប័ត្រ (MCSI) នៃចក្រភពអង់គ្លេស។

លោកបណ្ឌិត បានចូលរួមក្នុងក្រុមប្រឹក្សាភិបាលរបស់ ធនាគារឯកទេស ដូនពេញ ម.ក ចាប់តាំងពីខែតុលា ឆ្នាំ២០១៨ រហូតមកដល់បច្ចុប្បន្ន។
លោកបណ្ឌិត មានបទពិសោធន៍ការងារ ៣០ឆ្នាំជាមួយអង្គការ មិនស្វែងរកប្រាក់ចំណេញ និងស្វែងរកប្រាក់ចំណេញ អង្គការសហប្រជាជាតិ ស្ថានទូត ក្រុមហ៊ុនពហុជាតិសាសន៍ ព្រមទាំងក្រុមហ៊ុនឯកជនជាច្រើន។

លោកបណ្ឌិត បានចំណាយពេលវេលាជាង១៤ឆ្នាំ ក្នុងមុខងារជាក្រុមប្រឹក្សាភិបាលរបស់ គ្រឹះស្ថានមីក្រូហិរញ្ញវត្ថុ ដែលទទួលប្រាក់បញ្ញើនាំមុខ ដូចជា៖ ស្ថាបនា ប្រាសាក់ និង ក្រុមហ៊ុនធានារ៉ាប់រង ភីភល & ផាតនើរ អ៊ិនសួរេន ភីអិលស៊ី ផងដែរ។ លោកបណ្ឌិត ទទួលសញ្ញាបត្រថ្នាក់បណ្ឌិត ជំនាញគ្រប់គ្រងពាណិជ្ជកម្ម ពីសាកលវិទ្យាល័យអឺរ៉ុប (European Business School) ប្រទេសស្វីស ថ្នាក់អនុបណ្ឌិត ជំនាញគណនេយ្យ ពីសាកលវិទ្យាល័យគ្រប់គ្រងម៉ាហារីហ្សី (MUM-MIU) សហរដ្ឋអាមេរិក ថ្នាក់អនុ-បណ្ឌិត ជំនាញហិរញ្ញវត្ថុ ពីសកលវិទ្យាល័យឆាលស្ទឺត (CSU) ប្រទេសអូស្រ្តាលី និងសភាពាណិជ្ជកម្ម & ឧស្សាហកម្មក្រុងឡុងដ៍ (LCCI)។

បច្ចុប្បន្ន លោកបណ្ឌិតជាសមាជិកជាន់ខ្ពស់ (Fellow) នៃ វិទ្យាស្ថានគណនេយ្យករសាធារណៈ (FIPA) ប្រទេសអូស្ត្រាលី, វិទ្យា-ស្ថានគណនេយ្យករហិរញ្ញវត្ថុ (FFA) ប្រទេសអង់គ្លេស និង Chartered Audit Committee Director (CACD-IIA) ប្រទេសម៉ាឡេស៊ី។ លោកបណ្ឌិតក៏ជាសមាជិកជំនាញ (Chartered Member) នៃ វិទ្យាស្ថានសវនករផ្ទៃក្នុង (CMIIA) ប្រទេសម៉ាឡេ-ស៊ី។ មិនតែប៉ុណ្ណោះ លោកបណ្ឌិតជាសមាជិក (Member) នៃ វិទ្យាស្ថានគណនេយ្យករជំនាញ និងសវនករកម្ពុជា (CPA) និងវិទ្យាស្ថានមូលបត្រ និងវិនិយោគ (MCSI) ប្រទេសអង់គ្លេស។
លោកបណ្ឌិត បានចូលរួមវគ្គបណ្តុះបណ្តាលថ្នាក់ដឹកនាំ អភិបាលកិច្ចសាជីវកម្ម នៅសហរដ្ឋអាមេរិក និងសិក្ខាសាលាថ្នាក់ជាតិ និងអន្តរជាតិ ជាច្រើនផ្សេងទៀត នៅប្រទេសអូស្ត្រាលី ម៉ាឡេស៊ី មីយ៉ាន់ម៉ា ថៃ ហ្វីលីពីន សិង្ហបុរី ជាដើម។

លោក តិច មិញ បានចូលរួមក្នុងក្រុមប្រឹក្សាភិបាលរបស់ ធនាគារឯកទេស ដូនពេញ ម.ក ក្នុងខែវិច្ឆិកា ឆ្នាំ២០២០។
គាត់គឺជាអ្នកជំនាញវិជ្ជាជីវៈមួយរូប ដែលត្រូវបានគេគោរព ដោយលោកមានបទពិសោធន៍ការងារជាង ២៦ឆ្នាំ នៅក្នុងវិស័យផ្សេងៗមួយចំនួន ទាំងក្នុងសម្ព័ន្ធក្រុមហ៊ុនក្នុងស្រុក និងក្រុមហ៊ុនពហុជាតិ។

លោកបានចាប់ផ្តើមអាជីពការងារ ជាអ្នកហាត់ការ នៅក្នុងក្រុមហ៊ុនបច្ចេកវិទ្យាព័ត៌មានមួយ នៅក្នុងឆ្នាំ១៩៩៥ ខណៈលោកជានិស្សិតឆ្នាំទី៣ មុនពេលបានក្លាយទៅជា គ្រូបណ្តុះបណ្តាលកុំព្យូទ័រ ហើយក្រោយមក បានក្លាយជាប្រធានផ្នែកគណនេយ្យ និងជាអ្នកឯកទេសកម្មវិធីគណនេយ្យ។ ក្រោយមកលោកបានធ្វើការឲ្យក្រុមហ៊ុនកាល់តិច(បច្ចុប្បន្នជាក្រុមហ៊ុន Chevron) ជាអ្នកវិភាគផែនការ មុនពេលប្រលង និងទទួលបានអាហារូបករណ៍ពីរដ្ឋាភិបាលជប៉ុន នៅឆ្នាំ ១៩៩៨ ដើម្បីទៅសិក្សានៅប្រទេសជប៉ុន។

បទពិសោធន៍ការងាររយៈពេលវែងជាងគេរបស់លោក គឺ ជាមួយនឹងក្រុមហ៊ុន ឌី ខេ អេស អេច (DKSH) ប្រចាំប្រទេសកម្ពុជា ក្នុងរយៈពេលជិត ១៧ឆ្នាំ ដោយចាប់ផ្តើមពីមុខដំណែងជា នាយកហិរញ្ញវត្ថុ នៃអង្គភាពអាជីវកម្មមួយ ក្នុងរយៈពេលខ្លី មុននឹងត្រូវបានដំឡើងតំណែងជា នាយកហិរញ្ញវត្ថុប្រចាំប្រទេស និងក្រោយមកបានទទួលតួនាទីបន្ថែមដំណាលគ្នា ជានាយកប្រចាំប្រទេស រយៈពេលជាង៩ឆ្នាំ និងជាសមាជិកក្រុមប្រឹក្សាភិបាល រយៈពេលជាង ៤ឆ្នាំ ។

លោកធ្លាប់បានបម្រើការឱ្យសម្ព័ន្ធក្រុមហ៊ុនក្នុងស្រុក គឺពីដំបូងជាមួយក្រុមហ៊ុន អេហ្សេត គ្រុប ក្នុងរយៈពេលខ្លី នៅចន្លោះឆ្នាំ២០០៥-២០០៦ និងបន្ទាប់មក ពីចន្លោះឆ្នាំ២០១៨-២០២០ លោកបម្រើការឱ្យក្រុមហ៊ុន វ័ន ម៉រ លីមីតធីត ដែលជាម្ចាស់ ឬផលិតករទឹកពិសា (វីតាល់) និងមីកញ្ចប់ (មីជាតិ) និងជាម្ចាស់ភោជនីយដ្ឋាន វ័ន ម៉រ ។

បច្ចុប្បន្ន លោកបម្រើការជានាយកប្រតិបត្តិហិរញ្ញវត្ថុ នៅក្នុងក្រុមហ៊ុន ហ្ស៊ូលីគហ្វាម៉ា លីមីធីត (កម្ពុជា) និងសម្ព័ន្ធហ្វាម៉ា ខេម បូស្ស សាល ចាប់តាំងពីខែតុលា ឆ្នាំ២០២០ ហើយលោកគឺជា អភិបាលឯករាជ្យ នៃក្រុមហ៊ុនធានារ៉ាប់រង ភីភល & ផាតនើរ ចាប់ពីខែមីនា ឆ្នាំ២០១៨ មកដល់បច្ចុប្បន្ន។
លោកតិច មិញ បានបញ្ចប់ការសិក្សា ថ្នាក់បរិញ្ញាបត្រពីមហាវិទ្យាល័យ ពាណិជ្ជសាស្រ្ត (បច្ចុប្បន្នជាសាកលវិទ្យាល័យជាតិគ្រប់គ្រង) លើមុខជំនាញទីផ្សារ និងថ្នាក់បរិញ្ញាបត្រ ជាន់ខ្ពស់ខាងសិល្បៈពាណិជ្ជកម្ម ពីសាកលវិទ្យាល័យពាណិជ្ជសាស្រ្ត Otaru ប្រទេសជប៉ុន លើមុខជំនាញហិរញ្ញវត្ថុ។

លោក អ៊ឹង ស៊ីវម៉េង បានចូលរួមក្នុងក្រុមប្រឹក្សាភិបាលនៃធនាគារឯកទេស ដូនពេញ ម.ក នៅខែវិច្ឆិកា ឆ្នាំ២០២០ ។

លោកគឺជាពាណិជ្ជករវ័យក្មេងដ៏ប៉ិនប្រសប់ម្នាក់ និងបានបញ្ចប់ការសិក្សាពីសាកលវិទ្យាល័យ Oxford Brookes នៃចក្រភពអង់គ្លេស នាពេលថ្មីៗនេះ ដោយលោកទទួលបានសញ្ញាបត្រអនុបណ្ឌិត លើមុខជំនាញគ្រប់គ្រងពាណិជ្ជកម្ម និងបរិញ្ញាបត្រ ជំនាញសេដ្ឋកិច្ច ។ លោកមានបទពិសោធន៍ដឹកនាំអាជីវកម្ម រយៈពេលចំនួន៤ឆ្នាំ នៅក្នុង បណ្តាប្រទេសចំនួន៣ ជាមួយក្រុមហ៊ុនមួយចំនួន រាប់ចាប់ពីការបង្កើតអាជីវកម្មខ្នាតតូចលើវិស័យបច្ចេកវិទ្យា រហូតឈានដល់ដំណាក់កាលចាកចេញប្រកបដោយជោគជ័យ ពីអង្គភាពដែលមានទំហំមធ្យម ។ នៅក្នុងអង្គភាពអាជីវកម្មទាំងអស់នោះ លោកបានផ្តោតសំខាន់ទៅលើ ការងារកំណត់ផែនការយុទ្ធសាស្រ្ត ការគ្រប់គ្រងប្រតិបត្តិការ និងការគ្រប់គ្រងធនធានមនុស្ស ។

បច្ចុប្បន្ន លោកមានតួនាទីជាអគ្គនាយករង នៃក្រុមហ៊ុន ដូនពេញ (ខេមបូឌា) គ្រុប ស្ថិតក្រោមការគ្រប់គ្រងរបស់ពាណិជ្ជករដែលមានកេរ្តិ៍ឈ្មោះដ៏ល្បីល្បាញ គឺ លោកឧកញ៉ា អ៊ឹង ប៊ុនហ៊ូវ ។ នៅក្នុងមុខតំណែងនេះ បានអនុញ្ញាតឱ្យលោកពង្រីកការយល់ដឹងអំពីអាជីវកម្មនៅក្នុងវិស័យជាច្រើន។ តាមរយៈប្រតិបត្តិការប្រចាំថ្ងៃរបស់ក្រុមហ៊ុន បានគ្របដណ្តប់លើវិស័យជាច្រើន ដូចជា វិស័យអចលទ្រព្យ ធនាគារ ធានារ៉ាប់រង ផលិតកម្ម បច្ចេកវិទ្យាព័ត៌មាន និងវិស័យអប់រំ ជាដើម។ គុណតម្លៃរបស់លោកចំពោះក្រុមហ៊ុន គឺការផ្សារភ្ជាប់ជំនាញបច្ចេកទេសដែលលោកទទួលបានពីខាងក្រៅ ក្នុងការធ្វើផែនការ និងការគ្រប់គ្រង ដើម្បីជួយចាត់ចែងអាជីវកម្មដ៏សំបូរបែប នៃសម្ព័ន្ធក្រុមហ៊ុន។

ក្រៅពីមុខជំនួញរបស់សម្ព័ន្ធក្រុមហ៊ុន លោក អ៊ឹង ស៊ីវម៉េង បានបន្តយកចិត្តទុកដាក់ជាប់ជានិច្ច ទៅលើនវានុវត្តន៍នៃបច្ចេកវិទ្យានាពេលអនាគត តាមរយៈបណ្តាញទំនាក់ទំនងរបស់លោកទាំងនៅក្នុង និងក្រៅប្រទេស ដើម្បីជួយដោះស្រាយបញ្ហាដែលលោកចាត់ទុកថាជារឿងសំខាន់បំផុត។ ទាំងនេះរួមបញ្ចូលក្រុមហ៊ុនទាំងឡាយ ដែលប្រតិបត្តិការក្នុងវិស័យថែទាំសុខភាព និងថែទាំមនុស្សចាស់ សុខភាពផ្លូវចិត្ត និងសេវាកម្មសន្តិសុខ ជាដើម។